незавершенное производство!
Work in Progress - Unchecked!

ཆོས་ཉིད་ནམ་མཁའི་ཀློང་མཛོད་ལས༔
མཁའ་འགྲོ་ཁྲོས་མའི་ཆ་ལག་ཆངས་བུ་ཤ་དུམ་བསྔོ་ཐབས་བཞུགས་སོ༔

ན་མོ་གུ་རུ་པདྨ་ཀ་ར་ཡེ༔

མ་འོངས་བསྐལ་པའི་སྙིགས་མ་ལ༔
སྲིད་པའི་མ་མོ་འཁྲུགས་པ་ལས༔
མི་རྣམས་མི་བདེ་ཟུག་རྡུ་མང་༔
ནད་དུ་མི་འབྱུང་བྱ་བ་མེད༔
དེ་ཚེ་སྲིད་པའི་མ་མོ་ལ༔
བརྟེན་ནས་ཡས་དང་གླུད་འཇལ་ན༔
བར་ཆད་ཞི་བའི་མཆོག་ཏུ་འགྱུར༔
དེ་ཕྱིར་བདུད་གཅོད་ཟབ་མོའི་དོན༔
ཉམས་སུ་ལེན་པའི་སྐྱེས་བུ་ཡིས༔
འདི་ལ་བརྩོན་མཛོད་གཞན་དོན་འགྲུབ༔
ས་མ་ཡ༔
དེ་ཡི་བཅའ་བཞིའི་རིམ་པ་ནི༔
ཤ་དུམ་སྟོང་ངམ་བརྒྱ་ཕྲག་དང་༔
ཆངས་བུ་དེ་བཞིན་གྲངས་ཚང་ལ༔་
བཤལ་ཆུར་འོ་ཆབ་དཀར་པོ་བཞག༔
བསྔོ་ཡུལ་མཁའ་འགྲོ་ཕག་མགོ་ལ༔
བེར་དག་བགོས་ཤིང་གྲིད་ཐོད་ཐོགས༔
ཁྲག་རྐོང་བརྒྱད་ཀྱིས་བསྐོར་ནས་བཞག༔

ཕཊ༔
སྣང་སྲིད་སྟོང་ཉིད་ཆེན་པོར་ཞིག༔
ཀུན་ཁྱབ་ནམ་མཁའི་ངོ་བོ་ཉིད༔
རྣམ་པ་སྲིད་པའི་མ་ཆེན་ནི༔
ནག་མོ་ཕག་གདོང་གྲི་ཐོད་ཅན༔
བེར་ནག་བགོས་ཤིང་གཟི་འོད་འབར༔
ཆེ་བ་ནམ་མཁའི་ཁྱོན་ལ་བསྙེགས༔
སྐུ་ཡི་ལྟེ་བ་ཡན་ཅད་དུ༔
འབུམ་ཕྲག་ཡངས་པའི་མཁའ་འགྲོ་རྫོགས༔
པུས་མོའི་ལྷ་ང་ཡན་ཆད་དུ༔
སྲིད་པའི་ལྷ་སྲིན་ལྷ་འདྲེ་རྫོགས༔
རྐང་མཐིལ་བོལ་་བ་ཡན་ཆད་དུ༔
ཁམས་གསུམ་སེམས་ཅན་ཐམས་ཅད་རྫོགས༔
མདོར་ན་འཁོར་འདས་ཐམས་ཅད་ཀུན༔
རྒྱ་མཚོའི་ནང་གི་གཟའ་སྐར་བཞིན༔
སྲིད་པའི་མ་ཆེན་མཁའ་རུ་གསལ༔
དབྱིངས་ནས་མངོན་གྱུར་ཆེན་པོར་རིག༔
ཕཊ་ཕཊ་ཕཊ༔

དེ་ནས་སྤྱན་འདྲེན་པ་ནི༔

ཕེཾ༔
ནམ་མཁའ་རྣམ་པར་དག་པའི་དབྱིངས༔
མཁའ་སྤྱོད་བདེ་བ་ཆེན་པོའི་ཞིང་༔
ལྷུན་གྲུབ་བཀོད་པ་འཕྲུལ་གྱི་བདག༔
རྡོ་རྗེ་ཕག་མོ་གཤེགས་སུ་གསོལ༔
སྣང་སྲིད་གཞིར་བཞེངས་མ་ཆེན་མོ༔
ཁམས་གསུམ་ཐུགས་སུ་སྒྲོལ་བྲེད་ཅིང་༔
འཁོར་བའི་རྒྱུ་རྐྱེན་ཁྲག་ཏུ་རོལ༔
ཁྲོས་མ་ནག་མོ་གཤེགས་སུ་གསོལ༔
སྟོང་ཆེན་དབྱིངས་ཀྱི་བདག་ཉིད་མོ༔
ཁམས་གསུམ་སྐུ་གསུམ་ཐུགས་སུ་ཆུབ༔
འདོད་ཡོན་ལྔ་ཡི་ཆོ་འཕྲུལ་ངོམས༔
དཔལ་ལྡན་ལྷ་མོ་གཤེགས་སུ་གསོལ༔
ཕཊ་ཕཊ་ཕཊ༔
ཀུན་ཏུ་བཟང་མོ་མན་ཆད་ནས༔
སྲིན་བུ་པདྨ་ཡན་ཆད་ཀུན༔
མ་ཆེན་ཁྱེད་ཀྱི་དབྱིངས་སུ་གཅིག༔
མཉམ་པ་ཉིད་དུ་དག་མཉམ་རོལ༔
དབང་ཕྱོག་ཆེན་པོ་མན་ཆད་ནས༔
ཐེའུ་རང་རྐང་གཅིག་ཡན་ཆད་ཀུན༔
མ་ཆེན་ཁྱེད་ཀྱི་དབྱིངས་སུ་གཅིག༔
གཉིས་སུ་མེད་་པར་ ...
མགོན་པོ་ལེགས་ལྡན་མན་ཆད་ནས༔
ཤི་འདྲེ་ཕྲན་བུ་ཡན་ཆད་ཀུན༔
མ་ཆེན་ཁྱེད་ཀྱི་དབྱིངས་སུ་གཅིག༔
གཉིས་སུ་མེད་་པར་ ...
ཆོས་སྐུ་ཡུམ་ཆེན་མན་ཆད་ནས༔
གྲོང་རྒྱུགས་འདྲེ་མོ་ཡན་ཆད་ཀུན༔
མ་ཆེན་ཁྱེད་ཀྱི་དབྱིངས་སུ་གཅིག༔
གཉིས་སུ་མེད་་པར་ ...
རྒྱལ་པོ་པེ་ཧར་མན་ཆད་ནས༔
དམ་སྲི་ཉལ་ལེ་ཡན་ཆད་ཀུན༔
མ་ཆེན་ཁྱེད་ཀྱི་དབྱིངས་སུ་གཅིག༔
གཉིས་སུ་མེད་པར་ ...