незавершенное производство!
Work in Progress - Unchecked!

ཆོས་ཉིད་དམ་མཁའི་ཀློང་མཛོད་ལས༔
མ་ཅིག་ཁྲོས་མ་ནག་མོའི་རྩ་སྒྲུབ་ཟླ་བའི་འོད་ཕྲེང་།

སངས་རྒྱས་པདྨ་འབྱུང་གནས་ངས༔
བརྒྱུད་འཛིན་རྗེས་སུ་བཟུང་བའི་ཕྱིར༔
གསང་བའི་མྱུར་ལམ་ཐབས་མཆོག་གིས༔
སྒོ་གསུམ་རྡོ་རྗེའི་གྲོང་འཕོ་བའི༔
མདམས་པ་ཟླ་བའི་འོད་ཕྲེང་འབྱེད༔
ད་ལ་མདའ་གང་ཟླ་དམ་དམར༔
ཚོམ་བུ་དཀྱིལ་འཁོར་ལྷ་གྲངས་བཀོད༔
ཡང་ན་རྐང་ཁྲིར་གཏོར་མ་གྲངས༔
ཉེར་སྤྱོད་འདོད་ཡོན་སྨན་གཏོར་ཁྲག༔
འབྱོར་ཚོགས་ག་ཎའི་ལོངས་སྤྱོད་བསགས༔
གཟུང་འཛིན་རྣམ་པར་རྟོག་པའི་འཕྲེལ༔
ཐབས་ཤེས་ཡི་གེ་ཕཊ་ཀྱིས་གཏོར༔
སྣང་བ་གནས་འགྱུར་མཁའ་འགྲོའི་དལ༔
ཡོངས་གྲུབ་ཆེན་པོར་ལྷུན་རྫོགས་རིག༔

ཕཊ༔ ཨ༔
ངོ་བོ་ཀ་དག་ཀུན་བཟང་མོ༔
རང་བཞིན་འགགས་མེད་རྣལ་འབྱོར་མ༔
ཐུགས་རྗེས་འགྲོ་འདུལ་ཁྲོས་མའི་སྐུར༔
འདུ་འབྲལ་མེད་པར་སྐྱབས་སུ་མཆི༔

ལན་གསུམ་བརྗོད་ནས་བྱང་སེམས་བསྐྱེད༔

ཕཊ༔ ཀྱཻ༔
སྡུག་བསྔལ་གསུམ་གྱི་ཁྲི་མུན་དུ༔
ཉོན་མོངས་སེམས་ཅན་སྙིང་རེ་རྗེ༔
རྣམ་མཁྱེན་གདོད་མའི་གོ་འཕང་དུ༔
ཕྱམ་གཅིག་རྫོགས་པའི་སངས་རྒྱས་བསྒྲུབ༔

ལན་གསུམ་སླར་ཡང་བྱིན་འབེབས་ལ༔

ཕཊ༔
སྐྱེ་མེད་ཡེ་ཤེས་ཀུན་བཟང་མོ༔
འགགས་མེད་ཡེ་ཤེས་རྣལ་འབྱོར་མ༔
ཀུན་ཁྱབ་ཡེ་ཤེས་ཁྲོས་མའི་སྐུ༔
དབྱིངས་ནས་སྐུར་བཞེངས་འདིར་གཤེགས་ཤིག༔
སྣང་སྲིད་དག་པ་མཁའ་སྤྱོད་དུ༔
ཡོངས་གྲུབ་ཆེན་པོར་བྱིན་ཕོབ་ཅིག༔
ཕཊ༔ བཾ༔
ནམ་མཁའ་རྣམ་དག་དབྱིངས་ཕྱུགས་མ༔
སངས་རྒྱས་མཁའ་འགྲོ་གཤེགས་སུ་གསོལ༔
སྣང་སྲིད་དག་པ་མཁའ་སྤྱོད་དུ༔
ཡོངས་གྲུབ་ཆེན་པོར་བྱིན་ཕོབ་ཅིག༔
ཕཊ༔ ཧ༔
ས་ཁམས་གནས་དག་སངས་རྒྱས་སྤྱན༔
རྡོ་རྗེ་མཁའ་འགྲོ་གཤེགས་སུ་གསོལ༔
སྣང་སྲིད་དག་པ་མཁའ་སྤྱོད་དུ༔
ཡོངས་གྲུབ་ཆེན་པོར་བྱིན་ཕོབ་ཅིག༔
ཕཊ༔ རི༔
ཆུ་ཁམས་གནས་དག་མ་མྂ་ཀི༔་ ༈༈༈
རིན་ཆེན་མཁའ་འགྲོ་གཤེགས་སུ་གསོལ༔
སྣང་སྲིད་དག་པ་མཁའ་སྤྱོད་དུ༔
ཡོངས་གྲུབ་ཆེན་པོར་བྱིན་ཕོབ་ཅིག༔
ཕཊ༔ ནི༔
མེ་ཁམས་གནས་དག་གོས་དཀར་མོ༔
པདྨ་མཁའ་འགྲོ་གཤེགས་སུ་གསོལ༔
སྣང་སྲིད་དག་པ་མཁའ་སྤྱོད་དུ༔
ཡོངས་གྲུབ་ཆེན་པོར་བྱིན་ཕོབ་ཅིག༔